ఇదెక్కడి విచిత్ర ధోరణి ?

ఇవాళ సుప్రీం కోర్టులో జగన్మోహనరెడ్డి గారికి బెయిల్ రాలేదు. జగన్ లాయర్ బెయిల్ 
ఇవ్వాలని. సి.బి.ఐ. వాళ్ళు బెయిల్ ఇవ్వవద్దని వాదించారు. ఇరువైపుల వాదనలు 
విన్నతరువాత బెయిల్ పిటిషన్ ను తిరస్కరిస్తూ న్యాయమూర్తి తీర్పు ఇచ్చారు. 
అంటే బెయిల్ రాలేదంటే ఇక్కడ సి.బి.ఐ. వాదన బలంగా వుందని, జగన్ తరపు

లాయర్ల వాదన బలహీనంగా ఉన్నదనీ ఎంతటి పామరుడికైనా ఇట్టే అర్ధమవుతుంది.
 అయితే జగన్ పార్టీ కి చెందిన కొందరు నాయకులు ఈ విషయాన్ని పక్కదారి పట్టిస్తూ
 వక్రభాష్యం చెబుతున్నారు. చాలా అభ్యంతరకరమైన వ్యాఖ్యలు చేస్తున్నారు. ఇలాంటి 
విషయాల్లో రాజకీయపరంగా ఆలోచించి ఆ మైలేజి కోసం ఆరోపణలుచేయటం సరికాదు.
ప్రమాదకరం కూడా! తీర్పు కు ముందు  తెలుగుదేశం నాయకుడు చంద్రబాబు మరి

కొంతమంది డిల్లీ లో కూర్చుని జగన్ కు బెయిల్ రాకుండా కుట్ర పన్నారని ఆరోపించటం
ఎంత తప్పు ? వాళ్ళుఆరోపణలు సంధిస్తోంది చంద్రబాబు పైన కాదు...... దేశ అత్యున్నత
న్యాయస్థానం పైన.... చంద్రబాబు లాంటివాళ్ళు సుప్రీం కోర్టు ను ప్రభావితం చేస్తారా ? 
ఇది సుప్రీం కోర్టు సార్వభౌమత్వాన్ని అధిక్షేపించటం కాదూ ...?ఎంత రాజకీయాలలో
వుంటే మాత్రం ఇంత బ్యాలెన్స్ తప్పి మాట్లాడతారా ? ప్రస్తుతం రాష్ట్రంలో, దేశంలో ఒక్క

న్యాయ వ్యవస్థ మాత్రమే సజావుగా, సజీవంగా పని చేస్తోందని జనం నమ్ముతున్నారు ...
అది నిజం కూడా....జగన్ కు బెయిల్ రాకపోవటం ఆ పార్టీ వారికి బాధాకరమైన అంశమే
కావచ్చు. అయితే మాత్రం ఈ విచిత్ర ధోరణి ఏమిటి ? ఎక్కడికి పోతున్నాం మనం ?
ఒక్కసారి జగన్ పార్టీ వారితో బాటు అన్ని పార్టీల వారు ఆత్మపరిశీలన చేసుకోవలసిన
సమయం ఇది .... న్యాయస్థానాల నిజాయితిని ప్రశ్నించే దుస్సాహసం చేయద్దు...

అది రివర్స్ లో మనకే తగులుతుంది. తస్మాత్ జాగ్రత్త !!