సినిమాతో వివాదాలా...? వివాదంతో సినిమాలా....??

   

        సినిమా పరిశ్రమలో వివాదాలు పెరిగిపోతున్నాయి...తీస్తున్న సినిమాలు వివాదాలకు గురవుతున్నాయా
  లేక వివాదాల కోసమే సినిమాలు తిస్తున్నారా అన్నది అర్ధం కావటం లేదు. ఒక ప్రాంతం, ఒక మతం, ఒక కులం,
  లేదా ఒక వర్గం వారి మనోభావాలు దెబ్బ తింటున్నాయంటూ సినిమా విడుదల అయిన తరువాత ఎవరో
  ఒకరు ఆగ్రహిస్తున్నారు....ఉద్యమిస్తున్నారు....ఆవేశంతో ఊగిపోతున్నారు. సదరు సినిమా తీసిన వారి
  ఇళ్ళ మిద , ఆఫీసుల మీద కూడా దాడి చేస్తున్నారు..... సినిమాను సినిమాగా చూడండి అంటూ సినిమా వారు
  మొరపెట్టుకుంటున్నారు. ఒక పక్క మా మనస్సును గాయపరుస్తూ సినిమాను సినిమాగా చూడమంటారేమిటి
  అంటూ ఆయా సంఘాలు ప్రశ్నిస్తున్నాయి....ఇటివల కాలంలో వచ్చిన " కెమెరా మెన్ గంగతో రాంబాబు "
  " దేనికైనా రెడి " " ఎ వుమెన్ ఇన్ బ్రాహ్మణిజం " లాంటి సినిమాలకు సంబంధించి ఈ వివాదాలు పరాకాష్టకు
  చేరుకున్నాయి... ఇక్కడ ఎవరు తప్పు...ఎవరు రైటు అని చర్చించుకోవటం పక్కన పెడితే అసలు ఈ పరిస్థితి
  దాపురించటమే దురదృష్టకరం. వివాదం గా ప్రారంభం అవుతున్న సమస్య చివరకు " ఈగో " ల సమస్యగా
  మారుతోంది... సినిమాకు వ్యతిరేకంగా ఒక కులం వారు ఉద్యమిస్తున్నారంటే పరిస్థితి తీవ్రత అర్ధం అవుతోంది.
  ఈ ఉద్యమంలో సహజంగానే ఇతర ప్రజాసంఘాలు, రాజకీయ పార్టీలు ప్రవేశిస్తున్నాయి. ఎక్కడో ఒక చోట
  ఈ వివాదానికి స్వస్తివాక్యం పలకాలి. ప్రత్యేకించి " దేనికైనా రెడీ " సినిమాకు సంబంధించిన వివాదం...
  కావాలని చేయకపోయినా ఒక పొరపాటు జరిగిపోయింది. మోహన్ బాబు గారికి బ్రాహ్మణులంటే గౌరవం,
  ప్రేమ ఉన్నమాట వాస్తవమే...అయితే సినిమాలో అనుకోకుండా కొంతమంది మనోభావాలు దెబ్బతినే
  సన్నివేశాలు చోటుచేసుకున్నాయి. వాస్తవానికి ఇది చాలా సులభంగా పరిష్కారం అయ్యే సమస్య...
  చూస్తుండగానే పెద్దదయిపోయింది. ఈ వివాదం వల్ల సినిమా కలెక్షన్లు పెరిగి ఉండచ్చు ..కాని అది
  అభిలషణియం కాదు ...ఆనందకరం కూడా కాదు...ఇలాంటివన్నీ  పక్కనపెట్టి మోహన్ బాబు లాంటి
  స్థితప్రజ్ఞులు తమ ఈగో ని పక్కన పెట్టి సమస్యను పరిష్కరించుకోవాలి....సినిమా అందరి కోసం...అందరి
  వినోదం కోసం....అందరూ సంతోషంగా వుండాలని సినిమా వాళ్ళు కోరుకుంటారు...కోరుకోవాలి....!! 





 సినిమాతో వివాదాలా...? వివాదంతో సినిమాలా....??